اقول لبيه تقولي لبى قلبك

.................................................. ................................................

** حــــــــــــــــــــــــــــــــــــــــــلاوه الـــــــــــــــــــــــــــــــــــكلام **
.................................................. ................................................
( 1)

في مره من المرات وحده من لبنات اسولف معها المهم انا عارفه طريقه اسلوبها وكلامه من زمان بس حسيت طريقه كلامها تغيرت لما احتكت مجموعه من البنات .. طبعا كلامها تغير لشيئ لافضل مو الاسوء

المهم البنت صارت تقول هلا حبيبتي ... بصراحه استغربت من كلامها مو لشيئ لا والله بس مو متعوده عليها هي بذات .. قلت لي ..فلانه .. قلت لها لبيـــــــــــــه .. قالتلي لبى قلبك .. انهبلت لما قالت لي كذا

قلت لها تعالي تعالي انتي يبيلك جلسه وش هالكلام الحلو مره اسلوبك متغير المهم جلست تضحك قلت لها الله يرحم زمان اول حتى( السلام عليكم) ماتقولينها ...

ردت علي وقالت ::
لاتلوميني احتكاكي بناس غيرني واحس اني الحمد الله تغيرت .. وبصراحه انا انبسطت لها
بس قالت لي تدرين وش المشكله ان اهلي مو متقبلين هالشيئ يقولون ياشين _ (المهايــــــط ) << رد ماله داعي

قلتلها لاتلومينهم مو متعودين بس انتي استمري وفعلا الا الان البنت مستمره وتحلف تقول حتى اخواني صارو ذوق معي ..

.................................................. .............................

(2)

اشوف كثير من الا اخوان لما تكلمه اخته بالتلفون تقول فلان وينك ؟؟
يقول: برا لبيت
تقول: طيب ياقلبي وانت راجع جيبلي معك ..كت كات << تحبه

(ياقلبي) هاذي .. تلاقونه مايقدر يرد عليها مو لشيئ بس الاحظ انه حياء زايد
برغم انه لو احد من برا يقوله هلا حبيب قلبي وينك << يعني وين المشكله لو قلتها لاختك ؟؟؟

.................................................. ......................................
(3)
واحد يقول لزوجته تكفين عند اهلي لاتقولين حبيبي
تساله ليش :
يقول عيب تقولينها عند خواتي ممكن يقولون ماتستحي تبي تورينا انها تحبه !!!<< استغفر الله بس

.................................................. .........................................


سؤالي للكل :

1/استخدام هالكلمات .. سم –لبيه – حياتي – غلاي -دنيتي – الله يخليك لي .........الخ وش رايكم باستخدامها وهل لها وقت معين ؟؟

2/ ليش بعض الاهل لما يسمعون هالكلام ممكن يكون ما عندهم رد فعل علشان يردون... بالعامي ( يستحون )؟؟


حبايبي :: لكم حريه الراي واضافه أي تعليق وياليت لو عندكم موقف يخص الموضوع تذكرونه .. واتمنى عند ذكر الموقف يعلقون عليه الاعضاء علشان نعرف وجهات النظر ..

بسم الله الرحمن الرحيم

الموضوع رآآئع وموجود بحايتنا اليومية

بالنسبة للكلمات وهل هي لها وقت معين؟

انا اشوف انها كلمات ما فيها شيء بالعكس تقرب الاشخاص وتجعلهم يحسسون انك مقرب لهم

بالنسبة للأهل = كل مدينة لها عادات او بالاحرى ثقافه بالكلام تختلف من مدينة الى اخرى ومن قبيلة الى اخرى

يعني شخص مو متعود يقول هالكلمات وتعرف على اشخاص كلامهم العاامي اغلبه جديد عليه اكيد راح يتعلم مثلهم

ومن هنا راح يكون اسلوبه تقريبا وكلامه مثلهم فأكيد الاهل بيشوفوه شيء جديد ومنهم من يتقبله ومنهم من لا يهتم

عموما الموضوع اكثر من رآآئع (- سويت زحمه خلاص هع

مشكووووووورة الحيااه وتقبلي فلسفتي