قصيدة شاب يغازل بالعثيم موووول

قصيدة مضحكه لكن اللي يقراها يكملها للاخير
الشاعر الكبير ابالقوايل بطريقة مختلفة يحدثكم عنها بنفسه في هذه المسرحية التى صاغها شعرا وعنونها ب0 اسواق العثيم مول

يجهل الجـاهل على جــهل الجــهــول::::: ويتحمل من جـهل جـهل الجهال
لا سقا الله ســاعة بالعثــيــم مــول :::: رحت اودي حـرمتي عقب الزوال

واختبرت القــلب فــي ساعة فـضـول :::: كنت اظنـه راسين مـثل الجبـال
مادريت انـــــه على الفلس محـبـول ::::: وقيـده اللي مـايرده والـعـقال

جيت ســوقن جــامعن من كــل زول ::::: الكـداري والقـماري والغـزال
قمت اطــالع واتمـــشى في ذهـــول:::::واتلفت من يمـين ومـن شـمـال

وارتبشت وطـــحت في باب الدخـــول ::::: طحت مابين المحـاسب والـسلال
والســـبب من داعـج العين البتــول :::::::فوق رمشه حـاجبه كـنه اهـلال

سيف خشـــمه والوجــن وردن ذبـول::::::ومن ورا الشـيله لخـديه اشتـعال
والثنـــايا فــي تبسمها الخــجــول:::::: سـاطعاتن سابحاتن بــالـزلال

وعنـقها مــــفهوق والكتف مـهـدول ::::::والمشي مشـي الرزينات الـثقال
والخصــــــر ملهوف والردف معزول ::::::: يابـو نـايـف كنها بعض الدلال

وشــفت شــين بس مـاودي اقـول:::::: وشــفت شـــين غير هذا مايـقـال
اشـــهد انه سجلت بالقلب قـــول :::::: وكبرين بالكـبد من تحـت الطحـال

تلعب الفتبـول وايضـا الهارت بــول ::::::: مايجــاريها النصــر وإلا الـهـلال
وارسـل الشـــيطان من عنده رسـول ::::: امتخـصص في علــوم الانـحـلال

قــال يالله قـم تحـرك ياكـســول :::::: ماتــلاقي غـــيرها في هالكـمـال
وجيتها خــايف ولا ادري ويش اقــول :::::: واسـتحت هي وابـعدت بنت الحلال

وجـيت اكلمـها وإ يـلا تقل إمغيــول :::::: وراح صــوتي وصـار بالعين احولال
واتشـجع قلـت يابـنت إمعـقــول ::::::كل هذا فــيك من زيــن وجـمـال

قالت ابـــعد قلت ماشـين يــحول:::::::بيــــن نا واللـي تـبين بـلا سـؤال
قالت اسـمع مـانت جاهل بالاصــول ::::::ضف وجــهك لافضـحك بين الرجال

قلت يــالله بس هرجك لايطـــول :::::: وادفــع فلــوس المقاضـي بالريـال
بالمـرق وجـــهي مع الناس مغسول ::::::: ماســتحى قالت اجــل قرب تعـال

واخـطفت قوطـي من الادراج فـول ::::::: المــدمس الــعريـض من الـطـوال
وصكتن بـه صـكت القـرم الكتـول :::::: وشـقت الجـــبهه ودم الـراس سـال

ثـم قامــت تضربن باللي تطــول ::::::وافزعــت مــعها علي ام الـعـيـال
وافزعـــن كل الحـريم بـدون قول ::::::: يضربنن بالقواطـي والـــحـــلال

وبالمكانس والصـــواني والسطـول ::::::: والعجايز يفزعــــن لو بالــتـفـال
اخلطني خـــلط عجـان إمعمـول ::::::: واضربني ضـرب قـــــوات احتلال

واطلعوني سـحب مانيب إمحمـــول ::::::: ســاعتن بالشمس مانــي بالـظـلال
الشــعر منحـاس والوجه إمعفـول ::::::: والثياب امقطعاتن والنــــعــــال

كنـي اللـي آكلن كيلو هــلـول ::::::: ريحتن ماهيب حـــتى بالخــــيــال
وعقب هـــذا صرت اذل من الذلول ::::::::تركــبن ام العــيال بلا إحبــــال

وكل يومــن تركبن مـثل الرحـول ::::::: مشـيتي ســــيده ولا فيها مــيـال
وقالت اركب واعـتمر بي يالبـطـول ::::::::واسـأل الله يغفر إذنوبن إثــــقـــال

وبالمـطـاف النـاس يطافون حــول ::::::: بيت رب البيت ربي ذا الجـــــــلال
إلا انا من بـدهم تـقل إمهــبـول ::::::::: ما أطـوف امــشي من الذله عـــدال

ودق قلــبي مثل دقـات الطبـول لا حكوا بالســوق او جــا له مـجـال

يعطك العافيه اخوي على الموضوع الجميل